A 12-years young girl named Nancy Jha was abducted, raped and brutally killed in Madhubani (Bihar). Extremely disgraceful for humanity & humankind.Why are people becoming morally bankrupt ?
Aakhir kab tak ?
kabhi Nirbhaya, kabhi Gunjan to kabhi Nancy to kabhi 3-6 saal tak bachee ... Aakhir kab tak ye maasoom samaaj ke dareendgi ka shikaar hoti rahengi.
Hum har ek ghatna ke baad kabhi ladkiyon ke kapdo ko, to kabhi ladkiyon ke aazaadi ko, kabhi unke club aur party mein jane ko to kabhi unke nashaa karne ko dosh dete rahte hain.
Kya Nancy ne chhote kapde pehne the, kya Nancy Metro city ke kisi 'late night' party mein gayi thi,ya fir wo kisi nashe ki shikaar thi ? Phir, ek saadharan se ghar ki maasoom si 12 saal ki bacchee ke saath aisee darindagi kyu hui? Logo ko apni soch aur nazariyaa badalni hogi.
kabhi sarkaar, to kabhi vyavastha, kabhi kaanoon vyavashtha, to kabhi Media ko sirf dosharopan karne, ya fir candle march se kuch nahi hoga. Balki hume apni antaratma ko jhakjhorkar jaganaa hoga....hume khud hi kuch karna hoga.
Anyathaa, aise hi maasoom zindgiyan daon pe lagti rahengi aur ham sirf aur sirf dosharopan karne ke sivaa kuchh nahi kar paayenge. kahi aisaa na ho ki jab tak hamari antramta jaage, tab tak bahut der ho jaaye aur hamaari haalat us kahaawat waali ho jaaye ki...
'Ab Pachhtaaye kya hot hai, jab chiriyaa chug gayee khet.'
By: Rani
Share & Comment Down Below.
Follow Us On Google Plus (G+).
And Also Make Sure To
Subscribe To Our Blog !!!
No comments:
Post a Comment