tab duty par tainaat adhikario ne, bejhijhak Rashtra Pati se bhi ek samanya nagrik ki tarah ID dikhane ko kaha. Hairani ki baat to ye hai.. ki Incharge ke ID ke baare me poochhne par Obama ne bari saralta se jabab diya, “Kyu nahi”. phir unhone haste huye karamchari se kaha ki, “mere paas driving license hai aur uske tasweer me mere baal safed nahi hai abhi ki tarah”.
Ye sunkar unke sath-sath saare karamchari jor se hasne lage. Bade taazoob ki baat hai, ki duniya ke sabse takatwar desh ke Rashtra Pati hokar Obama, ek samanya karamchaari ko bhi kitni shalinta se apne pad ko dhyaan me na rakhte huye sahiyog kar rahe hai. Aur to aur, Obama ke Id aur Papers ko puri tarah se jaach kiya gaya. Aur ye unke liye koi ashcharya janak baat nahi thi unke byavahar se aisa prateet hota hai.
Barack Obama ka ye vyavahaar hame darshata hai ki, desh ke har nagrik aur karamchaari ke pad ka apna-apna mahatwa hai. Agar ek Rashtra Pati Bhi Voting Booth par, vote dene jaata hai, to use bhi ek samanya janta ki tarah har aupchaariktaa nibhani chahiye.
Koi Rashtra Pati pad par ho kar bhi itna shaalin, saral, aur kartabya nishtha ho sakta hai? Kya hamare Bharat ke neta bhi apne kartabya palan me saksham hai? ya phir hamare neta apne karamchari ko sahiyog dene ki bajay une apne hi sahiyog me lagaay rahenge. Kya koi adhikaari apna kartabya paalan kar bhi payega…. ya phir netao ki hi duty bajata rah jayega.
Aap khud is video ko dekhiye aur comment me likhiye aapka kya khayaal hai Obama ke baare me aur hamare desh ke netao ke baare me.
No comments:
Post a Comment